شنت الإعلامية المصرية مروة صبري، هجوماً على الممثلة المصرية منى فاروق، بعد صدور حكم بسجن الأخيرة لمدة 3 سنوات مع الشغل، بالإضافة إلى دفعها غرامة مالية.

وقالت مروة صبري، خلال تقديمها برنامج "قعدة ستات": "منى فاروق مشهورة بمشاكلها أكثر من فنها، وهي شخصية مشتتة، مش عارفة تطلع تتكلم عن نفسها ولا تكسب الجمهور ولا تاخد تريند وتقول أنا موجودة". وتابعت: "ربنا يخرجها من أزمتها على خير، ولكن الواحد لازم ياخد باله، أول مرة حصلت مشكلة كبيرة وطلعتي عيطتي وقلت سامحوني، ولكن اتكررت مرة والثانية والثالثة، وإتكلمتي في سمعة ناس، محدش هيسامحك تاني".
وختمت: "إذا منى فاروق هتتحبس على اللي قالته في ناس كتير جدا محتاجة تتحبس، لأن في محتوى كوارث ومصايب".