ريهام حجاج: الأمومة مسؤولية.. والتيك توك خطر على الأجيال الجديدة - عرب فايف

تحدثت الفنانة ريهام حجاج، عن الأمومة ومخاطر السوشيال ميديا على الأجيال الجديدة، موضحة أنها تحاول بقدر الإمكان حماية أطفالها خاصة أن موقع التيك توك بشكل خاص أصبح يشكل خطرًا كبيرًا.

وقالت ريهام حجاج، في ندوتها بالقاهرة 24: الأمومة نعمة كبيرة من ربنا، وأنا مهتمة أوي بالعائلة وأهلي وأصدقائي دول ليهم أولوية في حياتي، والأمومة مسؤولية كبيرة جدًا ولكنها ممتعة، والمسؤولية في الفترة دي أصعب لأنك بتجيبي أطفال في عالم مدربك والدربكة دي واصلة جوا بيوتنا، خاصة السوشيال ميديا ودايمًا عندنا قلق وخوف من اللي جاي، العالم اتغير ومكناش متخيلين وإحنا صغيرين أننا هنشوف حاجات زي كده.

وتابعت ريهام حجاج: الجيل الجديد رهيب في التكنولوجيا وأنك تسيبي موبايل مع ابنك ده العالم، إحنا زمان كان في كلام عيب نتكلم فيه وحاجات كتير مينفعش نفهمها في سن صغير، وحاجات عرفناها في السن الصح، ودلوقتي الولاد بيدخلوا على التيك توك هيشوفوا حاجات مش صح أنهم يشوفوها ودي حاجة خطر على الأجيال الجديد.

آخر أعمال ريهام حجاج

وعلى جانب آخر، حققت الفنانة ريهام حجاج، نجاحًا كبيرًا في موسم رمضان 2025 من خلال مسلسل أثينا، والعمل مكون من 15 حلقة، بطولة الفنانة ريهام حجاج، سوسن بدر، أحمد مجدي، نبيل عيسى، محمود قابيل، سلوى محمد علي، ميران عبد الوارث، شريف حافظ، تامر هاشم، على السبع، جيدا منصور، جنا الأشقر، دونا إمام، ومن تأليف محمد ناير، وإخراج يحيى إسماعيل.

المصدر القاهرة 24