حلت الفنانة هنا الزاهد ضيفة على برنامج Abtalks والذي يقدمه الإعلامي أنس بوخش على قناته الرسمية بموقع الفيديوهات يوتيوب، وتحدثت خلاله عن تجربتها مع الطلاق وإمكانية دخولها في علاقة عاطفية جديدة.

هنا الزاهد: مكنتش كويسة من سنة ونص دلوقتي بمر بأحلى فترات حياتي 

وقالت هنا الزاهد في تصريحات رصدها موقع تحيا مصر: من سنة أو سنة ونص مكنتش كويسة بس دلوقتي مبسوطة بنفسي وبشغلي وبأهلي اللي ساعدوني اتخطى، ده احسن فترات حياتي في الشغل ومع نفسي وكل شيء.

وتابعت متحدثة عن علاقتها بالفنان أحمد فهمي: كنت فاكرة الحب صحي بس مطلعش صحي أوي ومكنش الحب اللي أنا عايزاه ووقت الانفصال كنت فاكرة أن الحياة وقفت مكنتش مستوعبة أن الحاجة دي تحصلي.. بس عادي حصلتلي وتمام.

هنا الزاهد: اللي بيحب حد مستحيل يزهق منه 

وأضافت هنا الزاهد: اللي يحب بجد مستحيل يزهق ومينفعش يكون فيه أنانية وفهم والخيانة لو زهقان منها تقولها وفي ناس بتحب الراجل اللي بيغير عليها.

وعن إمكانية دخولها علاقة عاطفية جديدة، قالت هنا الزاهد: اكتشفت أن قلبي لازم أحافظ عليه وهيبقى صعب حد يدخل حياتي هو اتكسر أوي ورممته لوحدي وأهلي ساعدوني بس بردو وأنا نايمة لوحدي.. أنا قلبي اتكسر جامد ومفيش حد هيدخل حياتي إلا أما أعرف أنه صح أوي، صعب إن حد يدخل حياتي والفترة دي مركزة أوي في هنا وانا متجوزة كان الطرف التاني ده التوب بعد ربنا.

آخر أعمال هنا الزاهد

يذكر، أن آخر أعمال هنا الزاهد هو مسلسل إقامة جبرية الذي تم طرحه ضمن مسلسلات الأوف سيزون وحقق نجاح كبير وتصدر قوائم الأعلى نسبة مشاهدة على منصة watch it الرقمية، وقدمت خلاله هنا الزاهد دور مختلف عليها تمامًا وعن الكوميديا التي اعتاد الجمهور عليها وشاركها في البطولة محمد الشرنوبي، صابرين، محمود البزاوي، وآخرين.

وشارك في بطولة مسلسل إقامة جبرية عدد من الفنانين إلى جانب هنا الزاهد منهم، صابرين، محمد الشرنوبي، جلا هشام، ثراء جبيل، محمد دسوقي، أحمد حاتم، حازم إيهاب، وغيرهم عدد من الفنانين، والمسلسل من إخراج أحمد سمير فرج.