حصل موقع تحيا مصر على نص أقوال مدرب الكيك بوكسينج شهير بالتحرش جنـ ـسيا وهتك عرض عدد من القاصرات خلال تدريبهن على الكيك بوكسينج داخل أحد النوادي.

وكشفت التحريات أن مدرب الكيك بوكسينج يدعي أ. ز، والشهير بـ زاك، يمتلك أكثر من مكان لتدريب لعبة الكيك بوكسينج، ويستهدف الفتيات في سن 13 إلى 18 سنة في التدريب، حتى يتمكن من التعدي عليهن جنسيًا، حسبما ورد في التحريات.

ويواصل القاهرة 24 نشر أقوال مدرب الكيك بوكسينج المتهم بالتحرش بعدد من الفتيات القاصرات خلال تدريبهن على الكيك بوكسينج داخل أحد النوادي.

س: ما مدى تدليكك المتدربين قبل أو بعد أو خلال التمرين بغرض المساعدة في استشفائهم؟
ج: أنا كنت فعلا بعملهم تمارين الريكوفري دي عشان احنا الرياضة بتاعتنا بيبقى فيها إصابات كتير، فساعات بنعمل الاستشفاء ده.

س: كيف تفعل ذلك؟
ج: عن طريق إن أنا بضم إيدي على بعض زي البوكس كده، وأبدأ أضغط على بعض العضلات عشان أساعد إنها تفك.

س: ما تلك العضلات؟
ج: الكتف الخلفي والضهر والقطنية والسمانة.

س: هل يوجد ثمة عضلات أخرى تساعد في استشفائها؟
ج: لا.

س: في حالة وجود إصابة معينة بإحدى الأشخاص، هل كنت ستجري استشفاء لها؟
ج: لا.

س: ما سبب ذلك؟
ج: عشان أنا مش متخصص في معالجة الإصابات.

س: ما سبب فعلك بذلك الاستشفاء؟
ج: عشان بيبقى فيه سوائل معينة بتتجمع في العضلات من التمرين، ده الهدف من الريكفري له إن احنا نفك العضلة دي من السائل ده، عشان ميحصلش إصابة.

س: من الأشخاص الذين أحريت لهم ذلك الاستشفاء لهم؟
ج: لأي حد يطلب مني.

س: هل يحتاج الاستشفاء التجرد من الملابس سواء السفلية أو العلوية؟
ج: لا.

س: ما مدى طلب أي من الفتيات بطلب ذلك الأمر منك؟
ج: كان فيه بنات بتطلب مني كده طبعا.

س: ما طبيعة الاستشفاء الذي كنت تجرية للفتيات؟
ج: هو نفس الريكوفري العادي.

س: في أي توقيت كنت تجري ذلك الاستشفاء؟
ج: ساعات قبل التمرين وساعات بعد وساعات في نص التدريب.

س: ما المعيار في ذلك؟
ج: هو المعيار حسب اللي عايز الريكفري ده لو قبل التمرين حاسس بوجع بعمله قبله التمرين، ولو في النص بوقف تمرين وبعمله، ولو في الآخر بخليه يستنى وأعمله بعد التمرين.
س: هل تنفرد بذلك الشخص الذى يرغب في الاستشفاء؟
ج: لا.

س: أين كنت تجري ذلك الاستشفاء؟
ج: في نص المكان عادي.

س: وعودا للتدريبات المنفردة أين كانت تنعقد؟
ج: في الفرع بتاع جنوب الأكاديمية وفي شيراتون.
س: من كان يحضرها؟
ج: مش هقدر أحصرهم، لأن في ناس ممكن تيجي مرة ومتجيش تاني، وناس ثانية تيجي كل مرة كده يعني فمش هقدر في اني أحصر العدد بتاعهم.

س: كم العدد في المرة الواحدة؟
ج: أقصى حاجة 12.

أقوال مدرب الكيك بوكس المتهم بالتحرش بقاصرات خلال التدريب: كنت بعمل تمارين برايفت لبعض البنات والولاد|خاص
بعد تسليط الضوء عليه في مسلسل لام شمسية.. ننشر أقوال مدرب الكيك بوكس المتهم بالتحرش بقاصرات خلال التدريب | خاص (1)

س: ما سبب ذلك؟
ج: عشان أبقى مركز معاهم.

س: وعودا لعلاقتك بكل من المجني عليهما الأولى والثانية، كيف تتطورت علاقتك بهما؟
ج: هما كانوا الاتنين مجتهدين في التمرين وأنا كنت بشجعهم وكانوا بيجوا يتكلموا معايا كتير في نصايح وحاجات كده، وهم كانوا ساكنين قريب من الفرع بتاع المول ده، فكنت ساعات بعرض إني أوصلهم عشان أهلهم مينزلوش يجيبوهم وكده، وبعدين بدأت أعزمهم على الفطار بتاع رمضان عندي في البيت في التجمع، ولو هعمل حفل سواء وکده، ومن هنا بقينا صحاب.

س: متى نشأت تلك العلاقة؟
ج: تقريبًا في 2020.

س: إلى أي مدى تطورت تلك العلاقة؟
ج: احنا كنا صحاب جدا لدرجة إن والدتهم كانت بتكلمني وتقولي خليهم يركزوا في مذاكرتهم، ولو معاقبه واحدة فيهم كانت بتشتکیلي وکده یعني.

س: ما مستواهما في التمرين.
ج: كانوا من الناس الكويسين جدا هما الاتنين.

س: هل اشتركا في أي تدريبات منفردة؟
ج: لا، عمرهم.