تصدرت الإعلامية سالى عبد السلام محركات البحث، بمواقع التواصل الاجتماعى، وذلك بعدما أعلنت عن وصيتها خلال فيديو بخاصية القصص القصيرة على موقع التواصل الاجتماعى إنستجرام.

وجاءت وصية سالى كاشفة عن الشخص التى تود أن يغسلها، وهى معلمتها، حيث قالت "أول حاجة فى وصيتى كاتبة مين يغسلني، معلمتي هي اللي تغسلني، وعايزاها تشيل الرموش، ومش هحدد مكان معين يصلوا عليا فيه".

كما أكدت سالي عبد السلام أنها لم تعد تضع مانيكير أو أظافر تركيب، لأنه بيمنع الوضوء والرموش فيها أقاويل، مش بقول إني أنا صح بنعمل على قد ما نقدر ماتبقوش رخمين الناس اللى بتفضل تقول أبقى اعملى الأول لا مالكوش دعوة.

وجاءت تلك الوصية بعد أشهر قليلة من فقدانها لتوأمها حيث كانت قد أعلنت المذيعة سالي عبد السلام وفاة توأمها، في بوست نشرته عبر حسابها الشخصي بموقع فيس بوك، وقالت: "قدر الله وما شاء فعل، من كام يوم، وده بعد سنتين انتظار التوأم اللى كان نفسى فيهم أوى يا رب، سنتين صبر، وأنت مافيش قدامك غير الصبر زى أى رزق، والحمد لله إن اختبارى كان فى الصبر وبس مش أكتر وكنت طالباها تيجى من عند ربنا خالص ومن غير تدخل دكاترة".

وأضافت: "الحمد لله على نعمة الأخذ بعد العطاء، يا رب فقدت أغلى ما لى، واللى كان هيكون ليا، الحمد لله، قدرى الحمد لله، أنا بكتب الكلام ده عشان يمكن حد يتعلم!!! كل حد قالى وقال عليا مش عايزة تخلف عشان خايفة على جسمها وشغلها.. وكانت أوحش حاجة سمعتها فى حياتى (وهم لا يعلمون شيئاً)".