طرح مطرب الراب ويجز عمل غنائي جديد على قناته الرسمية بموقع الفيديوهات الشهير يوتيوب وذلك بالتعاون مع الفنانة فيفي عبده والذي حرص على تواجدها على البوستر الخاص بالأغنية بمفردها، ومن المتوقع أن تحقق الأغنية نجاحات كبيرة بعد ساعات من طرحها.

ويجز يطرح أغنية جديدة بالتعاون مع فيفي عبده

وتعد أغنية أنا لمطرب الراب ويجز وفيفي عبده من كلمات ويجز، إنتاج وتسجيل مصطفى مصطفى، وسبق وروجت لها الفنانة أمس للأغنية بمقطع فيديو عبر حسابها على تيك توك رصده موقع تحيا مصر، وعلقت عليه قائلة: أنا وويجز فى أغنية جديدة بعنوان أنا قريباً.

وسبق وقالت فيفي عبده في تصريحات تليفزيونية سابقة: في أغنية هو هيعلمها وأنا هكون على الغلاف معاه.. بس خلوها مفاجأة هو يعلن عنها الفترة دي وهينزلها وهو من أكتر المطربين اللي بحبهم.

ويجز وأزمته مع رامي صبري

يذكر، أنه في الأيام الماضية نشب خلاف قوي بين ويجز والمطرب رامي صبري، حيث تحدث الاخير في تصريحات تليفزيونية عن اغاني الراب وجدها ويجز غير لائقة، ليخرج ويوجه رسالة صارمة له، قال فيها: هتكلم على فنان فاكر انه عنده الصلاحية انه يطلع يتكلم عن اى حد فى اى وقت والناس تسمع وتسكت .. الفنان دا اسمه رامي والفنان دا كل ما بيقعد من ٤ لـ ٥ شهور يزهق ويطلع يتكلم على بتوع الراب فى التليفزيون، هتكلم امتي على بتوع البوب اللى انت منهم واللى فى مجالك انا شايف مبتفهمش فى الراب حاجة زى ما انت قولت قبل كدة ومش هتعرف تعمله وانت كدة مبتقدرش الفنانين وفاكر أن هما عايزين يوصلولك  وهما اصلا معدينك بكتير انت رقم ١٩ يا رامي انت بعيد اوي.

زوجة رامي صبري تفتح النار على ويجز

وخرجت زوجة رامي صبري لترد على هجوم ويجز على زوجها، قائلة: رامي صبري ده يا حضرت فنان من أهم الفنانين في الوطن العربى ومن أهم الأصوات ده لو حضرتك مش معانا في مجال المزيكا وبعدين والله يا ريت رامى عنده الوقت بتاع حضرتك الفاضى اوى بتاع ٥ شهور فاضى يا ريت كنا نتمنى.

وتابعت حديثها، قائلة: أغنية واحدة من رامى صبري واحدة بس تعمل تاريخ لناس، محتاج تذاكر كويس وتعرف انت بتتكلم عن مين، قبل ما تتكلم لأنك واضح إنك عندك شغل تانى غير المزيكا لأنك لو جوة الشغلانة كنت مش هتقول ولا كلمة من الكلام دة علشان الناس متضحكش عليك لأنك اتكلمت عن فنان بجد مش جاى يهزر.