قال إكرامي الشحات نجم الأهلي السابق، بأنه لم يكن لديه أي علم باتفاق النادي الأهلي مع رمضان صبحي بعد عودته من الدوري الإنجليزي واتفاقه مع الفريق قبل انتقاله لفريق بيراميدز، ويستعرض موقع تحيا مصر تصريحات إكرامي الشحات.

تصريحات إكرامي الشحات

وأضاف إكرامي الشحات في تصريحات تليفزيونية على أم بي سي مصر مع مهيب عبد الهادي، محمود الخطيب كلمني يوم افتتاح ستاد الأهلي والسلام، وقالي أنا سامع أن رمضان صبحي وقع مع بيراميدز، وكان ردي بأنني لا أعرف أي شيء، فرنيت على رمضان صبحي كان تليفونه مغلق وكلمت شريف إكرامي قالي الكلام دا مش صح ومفيش توقيع مع بيراميدز.

وتابع إكرامي الشحات، كلمت محمود الخطيب تاني وقولتله مفيش أي اتفاق بين رمضان صبحي وبيراميدز، ولم أكن أعلم عن وجود أي تفاوض بين رمضان وبيراميدز، وأنا كنت متفاجئ، ومحمود الخطيب ليه يخلط في الأمور بيني وبين رمضان صبحي.

وزاد إكرامي الشحات، رمضان صبحي لم يوفق في استكمال مسيرته مع النادي الأهلي، وأنا ليس لي أي علاقة بالأمر والناس مش مصدقة أني معرفش أن رمضان صبحي وقع مع نادي بيراميدز.

وأردف إكرامي الشحات، لو أنا كنت أعرف بأن رمضان صبحي هينتقل لفريق بيراميدز مقدرش أقوله خليك في الأهلي، وعلاقتي مع محمود الخطيب جميلة، وأنا علاقتي بالخطيب ازلية وتمتد لأكثر من 50 سنة.

إكرامي الشحات مع مهيب عبد الهادي

وأشار إكرامي الشحات، فيه حاجة جوايا مضايقاني من محمود الخطيب وعمري في يوم من الأيام أكرة محمود الخطيب، ولو عاتبت محمود الخطيب هيكون قاسي بيني وبينه، لأننا عيشنا مع بعض 50 سنة.

واختتم إكرامي الشحات تصريحاته، محمود الخطيب معاه 5 أرقام وبكلمة يوميا على الواتساب وبيرد عليا ومن حق محمود الخطيب يلومني مش أنا اللي ألومة، ورمضان صبحي كان بيدور على مصلحته.