وقال النجم ياسر جلال: " النهاردة آخر يوم تصوير في مسلسل جودر، وأنا عايز أحمد ربنا سبحانه وتعالى على النجاح الكبير اللي ربنا إداه لينا من الجزء الأول، المسلسل ده من شهر 6 2022، والنهاردة خلصناه في شهر 12 2024، النجاح ده السبب فيه ربنا وإسلام خيري المخرج أنور عبد المغيث الكاتب، ومن قبلهم الشركة المتحدة محمد السعدي وتامر مرتضى".

وأضاف ياسر جلال قائلا: "أنا بتوجه بالشكر لكل عناصر العمل وتيمور تيمور، ومنى التونسي، أحمد فايز، وحسن أبو جبل، وكل مساعدين الإخراج والمونتاج، كان في جيش، وطبعًا كل النجوم الأساتذة، الفضل بعد ربنا في هذا النجاح يرجع لكل فريق العمل اللي أخلص في عمله كتير".

وتابع حديثه قائلا: "أنا اتشرفت أني كنت جزء من الفريق الكبير ده، وربنا يكلل مجهودنا أن الجزء الثاني ينجح زي الجزء الأول، وكل الشكر للنقاد اللي دعمونا وبشكر كل فريق العمل وهما على رأسي من فوق، والفضل كله يرجع لكل فريق العمل مش لشخص واحد، وعلى رأسهم إسلام خيري".

يشار إلى أن مسلسل جودر يشارك فى بطولته بجانب النجم ياسر جلال كلا من ياسمين رئيس، عابد عناني، تارا عماد، وفاء عامر، وليد فواز، محمد التاجي، أيتن عامر، أحمد ماهر، محمود البزاوي، هنادي مهنا، محمد علي رزق، منذر مهران، وآخرين، والعمل من تأليف أنور عبد المغيث، وإخراج إسلام خيري.

يمكنك مشاركة الخبر علي صفحات التواصل