تعرضت الفنانة الشابة أميرة أديب لموجه من الانتقادات اللاذعة على مواقع التواصل الاجتماعي بسبب أدائها في مسلسل عايشة الدور الذي تلعب بطولته الفنانة دنيا سمير غانم، حيث طالبها الجمهور باعتزال الفن.

أميرة أديب ترد على طلب الجمهور باعتزالها الفن

لتخرج «أديب» للرد على هذه الموجه عبر خاصية «الأستوري» عبر حسابها الخاص على موقع تبادل الصور والفيديوهات «إنستجرام»، قائلة: «في الحقيقة، اللي مضايقني أكثر من أي انتقاد شفته السنين اللي فاتوا، هو عدم الإنسانية والراحة اللي الناس بقت فيها وهي بتكره في العلن، وبقى كل الدعم خاص».

وتابعت: «كمية الرسائل اللي بتجيلي بشكل خاص على أي حاجة بعملها كثيرة، الحمد لله، وأنا ممتنة لها، الحمد لله، بس مش دي الفكرة، الفكرة إني بقيت أحس إن الناس بقت تخاف تدعم في العلن، لأن اللي بقى cool هو الكره».

واستكملت «أديب»: «ولما بيكون في دعم في العلن بنبدأه بكفاية خوف من المجتمع، أنا بحب كذا، بجد؟ بقينا خايفين نقول حاجة حلوة؟ ومش خايفين نأذي؟ مش خايفين نكره؟ عالم حقيقي غريب، وقد إيه أنا مش قادرة أفهمه أو استوعبه، من قلبي، بدعي وبحلم بعالم مش قاسي على الناس وعلى نفسه بالشكل ده، خير إن شاء الله».

اقرأ أيضاً
مسلسلات رمضان 2025.. أميرة أديب تكشف عن تفاصيل شخصيتها في «عايشة الدور»

بعدما حقق نجاحا كبيرا.. أميرة أديب تكشف تفاصيل كليب «ضلمة ونور» (صورة)