وكشفت دينا ابنته حالته الصحية قائلة: "لأسف بابا دخل تانى الرعاية فى  مستشفى.. والمرة دى الموضوع بقى مختلف خالص.. للأسف حالته بعد ما كانت بتتحسن شوية بقت ترجع تسوء تانى".

وأضافت دينا بشير الديك: "المشكلة فى الإهمال وعدم الاهتمام بالمرضى.. رحنا امبارح وقت الزيارة لاقينا بابا زاد عدم وعيه وذراعه وارم جداً وبيؤلمه وماحدش كان واخد باله والمفروض إنه في الرعاية، المشكلة التانية إنه بقى لا قادر يمضغ الأكل ولا يبلعه.. دا غير إنه كان جعان على غير العادة لأنه بالرغم من عدم قدرته على المضغ ولا البلع لكنه أول ما بدأ يأكل بدأ وعيه يزيد ازاي دي رعاية.. ومن كتر قلق ماما وعدم ثقتها في الخدمة المقدمة (اللي هي مش رخيصة بالمناسبة) بقت بتشوف الأدوية اللي بياخدها وبتعرف تأثيرها والآثار الجانبية بتاعتها، وبدأت تناقش الدكاترة في الأدوية دي راح دكتور الرعاية المحترم المتواجد ساعتها قال لها "لو مش قادرين على مصاريف المستشفى روحوا مستشفى تانية…" هل دا رد محترم لدكتور رعاية في مستشفى معروفة بتميزها في الرعاية؟".

وتابعت دينا بشير الديك: "الصراحة مش دا أول دكتور رعاية هناك يكون بالجليطة دي…  ان شاء الله نخرج منها على خير ونروح مستشفى تانية في اسرع وقت برجاء الدعاء لبابا إنه يقوم بالسلامة ويخرج من النفق المظلم اللي هو فيه دا… أمين".

يمكنك مشاركة الخبر علي صفحات التواصل