تحدث المخرج طارق العريان عن فيلم ولاد رزق والصعوبات التي واجهها خلال تحضيره في اجزاءه المختلفة، كما كشف عن سبب عدم تواجد كلا من الفنان أحمد الفيشاوي والفنان أحمد داود ضمن الموسم الثالث من العمل وحقيقة وجود خلاف بينهم.

طارق العريان يكشف صعوبات فيلم ولاد رزق 

وقال طارق العريان في لقاءه مع الإعلامية إسعاد يونس ببرنامج صاحبة السعادة والمذاع على قناة dmc ورصده موقع تحيا مصر: فيه نجوم كبار كلهم فلازم أعمل حسابي ادي كل واحد دور يليق بيه ومناسب مع نجوميته.. بس الحمدلله محصلش مشاكل فيه.

وتابع طارق العريان حديثه عن عدم تواجد أحمد الفيشاوي وأحمد داود في الموسم الثالث من فيلم ولاد رزق 3: تصوير ولاد رزق 3 جه فاجأة بدون ترتيب، وأما كلمنا الفيشاوي كان عنده افلام كتير فرفض وقالنا استنوني 6 شهور قاعدنا نتحايل عليه وهو رافض تماما، أما احمد داود صور ولكن لسبب خاص بالانتاج مكملش وكان عنده تصوير بردو ولو في إمكانية يكونوا في الجزء الرابع هنجبهم إحنا مفيش بينا مشاكل.

طارق العريان: شغالين حاليا على فيلم الشايب. لوحده 

وتابع طارق العريان حديثه: إحنا قدمنا أسر ياسين في فيلم ولاد رزق وأحنا مش عارفين هنعمل بيه أي.. وأما حصل دروب الفيشاوي وداود قررنا أننا نستعين بيه.

وأكد في تصريحاته أيضا: شغالين حاليا على فيلم الشايب لوحده ممكن بقى ولاد رزق يدخلوا فيه وممكن لا لسة مش عارفين.

تصريحات طارق العريان عن ولاد رزق 

وسبق وقال طارق العريان في تصريحات سابقة عن فيلم ولاد رزق: حزين على عدم وجود أحمد الفيشاوي في الجزء الثالث من العمل ولكنه كان مشغولا بتصوير بعض الأعمال الأخرى، وأتمنى له النجاح لأنه واحد من أهم الممثلين الموجودين على الساحة، والناس حبت ولاد رزق بسبب علاقات الأخوات، هنكمل أجزاء كمان، لسه هنقدم الرابع والخامس والسادس.

جدير بالذكر، أن فيلم ولاد رزق من بطولة أحمد عز، عمرو يوسف، آسر ياسين، كريم قاسم، علي صبحي، محمد ممدوح، وغيرهم، والفيلم من تأليف صلاح الجهيني، وإخراج طارق العريان.