حلت بسنت يوسف خبيرة التاروت، ضيفة على برنامج "الحكاية" مع عمرو أديب، مساء الاثنين، عبر شاشة "MBC مصر"، للحديث عن توقعاتها لعام 2025، وكذلك توقعات الأبراج للعام الجديد.

قالت بسنت يوسف، عن توقعاتها لعام 2025، إن هذا العام سيشهد تغيرات كبيرة وأحداثًا غير مسبوقة.

وأشارت أنه سيشهد ظواهر فلكية لم تحدث منذ 5 آلاف عام، مما يجعله عامًا استثنائيًا وغير تقليدي.

أضافت أن عام 2025 سيكون مختلفًا عن أي عام مضى، حيث يحمل تغيرات جذرية قد تعيد تشكيل معالم العالم بأسره.

وتوقعت وقوع حروب كبرى في الولايات المتحدة وأوروبا وعلى المستوى العالمي، إلى جانب أزمات كبيرة.

أوضحت أن الأشهر الأربعة الأولى من العام، في الفترة من 1 يناير إلى 30 أبريل 2025، ستشهد أحداثًا مضغوطة وكبيرة التأثير، لافتة إلى أن تلك الفترة ستكون محورية ومليئة بالتحديات.

كما توقعت يوسف حدوث كوارث طبيعية في مختلف أنحاء العالم خلال العام، بجانب الحروب والأزمات العالمية، مؤكدة أن هذه التغيرات ترتبط بتحركات فلكية غير مسبوقة لم يشهدها العالم من قبل.

كما ذكرت توقعاتها للأبراج خلال عام 2025، وفيما يلي تلك التوقعات:

توقعات بسنت يوسف لبرج الثور 2025

- المرحلة اللي بدأت من 2018 هتنتهي جزئيا

- من يوليو لـ نوفمبر هتتعرف على ملامح المرحلة الجديدة المليئة بالتعويضات خاصة من الناحية المادية

- تغيير كبير في العلاقات العاطفية

- مكاسب غير متوقعة في يناير

- إنجاز أو تحقيق حلم في يونيو

- النص التاني من 2025 عنده تغيير للمنزل أو مكان العمل

توقعات بسنت يوسف لبرج الجوزاء 2025

- مستعد بدءا من السنة دي تجاوز كل الحدود والعقبات

- هيبدأ مرحلة مدتها 7 سنين هيشوف لمحة منهم من يوليو لـ نوفمبر

- استعد لتغيير جذري في حياتك

- تحركاتك ومشاريعك المجمدة من 2023 هتتحرك

- النص الأول من السنة هتستعيد فيه استقلاليتك وسيطرتك على حياتك

- النص التاني فيه ازدهار مادي

- طول السنة عندك مال وقوة ونجاح

- شهر ديسمبر مهم جدا ومؤثر

توقعات بسنت يوسف لبرج الميزان 2025

- عنده السنة دي أكتر من فرصة من النوع اللي مبيحصلش غير مرة واحدة في العمر، فياخد باله

- الأضواء هتسلط عليه لدور مهم هيقوم بيه

- امرأة الميزان قد ترتبط برجل يكبرها بفارق ملحوظ لكنه هيكون رجل أحلامها

- مارس وإبريل بلاش أي إجراءات تجميلية أو قرارات مصيرية تتعلق بالارتباط والزواج

- مايو ويونيو شهرين مهمين جدا حياته ممكن تتغير فيهم، واحذر فيهم المعاملات المالية

توقعات بسنت يوسف لبرج السرطان 2025

- هتحصل تطورات في كل جوانب حياتك

- هتتقدملك فرص محصلتش من 2014 في كل النواحي

- كثير من مواليد السرطان هيرتبطوا رسميا

- من يوليو لـ نوفمبر لاحظ التغيرات في حياتك عشان تفهم هتقضي الـ7 سنين الجايين ازاي

- بلاش تقحم نفسك في شيء عندك شكوك تجاهه

- شهر يونيو مهم جدا عمليا وماديا

- شهر أغسطس في مفاجأة حلوة

- هيحصله حظ يجيب فلوس السنة دي أو الجاية

توقعات بسنت يوسف لبرج الحمل لعام 2025

- مستعد لصياغة مسار جديد لحياته

- هيبذل مجهود لكن النجاح مضمون ومستمر هيغير حياته كلها

- عاطفيا هيختار بعقله مش بقلبه وده هيسبب استقرار

- عنده سفر أو هجرة أو عودة نهائية من سفر أو هجرة

توقعات بسنت يوسف لبرج العقرب 2025

- سنة مهمة جدا في المكاسب والنجاحات

- أهم حاجة عنده السنة دي كشف أعداء

- شهرة وتألق واسمك هيبقى براند

- علاقتك القائمة أو علاقة جديدة جادة هيكون فيها كيميا غير مسبوقة مع الطرف التاني

- لو علاقة جديدة هتم بارتباط رسمي

- قد تحصل على منصب كبير أو ترقية أو نجاح ساحق

- هتتخلص من التزامات وأعباء وهتحط خطوط حمراء لحياتك

- عندك سفرية مهمة السنة دي أو الجاية هتغير حياتك

- يناير وفبراير شهور مهمة بشكل عام

- مايو مهم ماليا وعمليا وللمكاسب والانتصار على أعداء

توقعات بسنت يوسف لبرج الأسد 2025

- سنة مهمة هيكمل نجاح وشهرة بدأهم

- عنده تطورات مهمة في الدراسة أو السفر أو نشاط على مواقع التواصل هيكون ناجح جدا

- على مدار السنة عنده فرص ومحطات مهمة

- مايو ويونيو مهمين جدا ماديا وعمليا

- أغسطس وسبتمبر مهمين جدا عاطفيا وعائليا

- عنده نقط تحول في حياته وعنده فلوس

توقعات بسنت يوسف لبرج القوس 2025

- عام الحرية والتخلص من قيود وأعباء

- عنده تطورات مهنية وتحقيق حلم أو طموح

- إعادة ترتيب أوضاع البيت والعيلة واهتمام خاص بأحد أفرادها

- فرص السفر مفتوحة

- صحيا وضعه أفضل

- عنده إمضاء عقود مهمة

- أي شراكة هيعملها هتكون ناجحة سواء عاطفية أو ماديا خاصة بين فبراير وسبتمبر

- خليك حذر في مارس وإبريل بلاش تسرع

- مايو ويونيو مهمين انتظر فيهم مفاجأة أقرب للمعجزة

توقعات بسنت يوسف لبرج العذراء 2025

- كتير منهم هيرتبط أو يتجوز

- أو على الأقل ارتباط جاد أو شراكة مثمرة وجادة

- البعض سينفصل من زواج أو يبدأ حياة جديدة أكثر استقرارا

- الفلك هيقدمله منح وهدايا في العمل والسفر وعلاقات مع أشخاص مهمين

- السنة كلها مهمة خاصة يناير وفبراير ويونيو

- في مارس وإبريل احمي أسرارك ومتغامرش باسمك وسمعتك

- سنة نجاح بشكل عام واعمل بمبدأ اسعى يا عبد وأنا اسعى معاك وربنا مش هيخذلك

توقعات بسنت يوسف لبرج الجدي 2025

- هيتنفس الصعداء

- حاله السنة دي هيكون ناس كتير ووقت قليل

- شعبيتك وتألقك هيوصلوا ذروتهم

- اعتبر عندك قوة خارقة هتساعدك في العمل والعلاقات الاجتماعية والشخصية

- عندك تغيير منزل أو مكان عمل للأفضل بين مايو وسبتمبر

- عندك زواج أو شراكة مهنية أو تكسب قضية معلقة

- عندك تحول عملي مهم جدا في يونيو

- العلاقات في شهر أغسطس هتكون مميزة جدا

توقعات بسنت يوسف لبرج الدلو 2025

- أنت من المحظوظين بالأضواء والشهرة

- هيتوفرلك الاستقلالية والأمان المادي

- لازم تفتكر طول السنة أن لسانك حصانك إن صنته صانك

- اوزن كلامك وفكر فيه في كل موقف

- النص التاني من العام مهم جدا مهنيا وعمليا

- فكر كويس قبل ما تقيد نفسك بعقد طويل الأمد

- من أبريل لأكتوبر عندك تغيرات مهمة جدا في حياتك

توقعات بسنت يوسف لبرج الحوت 2025

- سنة مميزة جدا فيها تغيرات كبيرة خاصة ماديا وهتبقى مجرد بداية لحد 2028

- أكتر برج محظوظ ماديا ممكن تحقق أحلامك اللي تأمن مستقبلك كله

- ده هيحصل رغم أنه ممكن يفتقد الاستقرار العائلي أو المكان

- ممكن يسافر أو يغير بيت أو مكان العمل ده هيرهقه لكن مش هيعطله

- أنت هتبقى الهدوء وسط العاصفة اللي ممكن تمر على أي برج تاني خلال السنة

- وده هيزود حب الناس ليك وهيساعدك تتقدم وتنجح

- يناير وفبراير وإبريل ويوينو وسبتمبر شهور مهمة جدا وفيهم تحديد مصير

- النص التاني أفضل خاصة في القرارات المصيرية