حرصت الفنانة ملك زاهر على توجيه رسالة لشقيقتها ليلى زاهر بعد زواجها من هشام جمال، كشفت من خلالها رحلتهما سويا وشعورها بالأمومة تجاهها ومدى صلة قرابتهم وعلاقتهما وكيف شعرت بالسعادة البالغة يوم زفاف ليلى كأنها تزوج ابنتها.

رسالة ملك زاهر لشقيقتها ليلى زاهر بعد زواجها 

نشرت ملك زاهر فيديو يجمع مراحلها المختلفة مع شقيقتها ليلى زاهر وذلك عبر حسابها الرسمي بموقع تبادل الصور والفيديوهات انستجرام في منشور رصده موقع تحيا مصر وعلقت عليه، قائلة: "و محدش فيهم عاش الي انا و انتي عشناه، من أول ضحكة وإحنا اطفال لحد لحظة كتب كتابك.. كل لحظة في الفيديو ده هو عمر كامل بينا، هو حب، و أمان، وضحك، و مشاركة، علاقتي انا و انتي مش شبه أي حد.

وتابعت ملك زاهر: مش مصدقة إن الوقت جري كده… كنّا لسه صغيرين، وبنتخانق على اللبس، وبنستخبى من ماما، وفجأة… لقيتك لابسة فستانك الأبيض، أحلى عروسة شافتها عيني، أنا بحبك أوي، حب مفيهوش شروط ولا حسابات، مع إن الفرق بيننا مش كبير، أقل من سنة… بس طول عمري حاسة إنك بنتي مش أختي، امبارح… بنتي الي كانت بتتجوز مش اختي، وأنا الفرحة مش سيعاني، بس في نفس الوقت… وحشتيني قوي من دلوقتي.

ملك زاهر لشقيقتها ليلى زاهر: هفضل أقرب واحدة ليكي وأحن حضن 

وتابعت ملك زاهر حديثها: إنتي مش بس أختي حبيبتي… إنتي أحلى حاجة حصلتلي في حياتي، وهفضل دايمًا أقرب واحدة ليكي، أحنّ حضن، وسند من غير كلام، ربنا يسعدك يا روحي… ويخليكي دايمًا قلبك مرتاح مع عريسك الي ربنا يحفظهولك و يفضل يسعدك العمر كله وانا دايمًا جنبك… في كل خطوة.. بحبك يا عروستي الحلوة.

واختتمت: اللهم احفظ أختي وزوجها من كل سوء، وبارك لهما في حياتهما، واصرف عنهما الحسد والشر، وأدم عليهما السكينة والمودة.

هشام جمال يكشف كواليس أغنية فستانك الأبيض في حفل زفافه 

وكان هشام جمال خرج منذ قليل وكشف عن كواليس أغنية فستانك الأبيض الذي أهداها لزوجته ليلى زاهر في حفل زفافهم، قائلا: اولا احنا بجد مش لاقيين كلام يوصف احساسنا بفرحتكم معانا وبأهلنا واصحابنا اللي كانوا معانا في احلى يوم في حياتنا وفي ناس كتير لازم نشكرهم بالاسم..لكن انا عايز ابدأ بأغنية “فستانك الابيض” اللي بدأنا بيها الفرح.

وتابع: الحقيقه اني كنت ملحن الاغنيه دي مفاجأه ل ليلى فعلا وكان المفروض الاول اني انا اللي هغنيها وافاجيء ليلى بيها في الفرح..لكن اخويا الكبير وصديقي وقبلهم الفنان العظيم حسين الجسمي عملي انا كمان مفاجاه وكلم مادي صاحبي واخويا وموزع الاغنيه من ورايا وعملولي هما مفاجأه في يوم تسجيل الاغنيه ولقيت الاغنية متسجله بصوت حسين الجسمي اللي ملوش زي واللى خلى الموضوع راح في حته تانيه عندي وعند عروستي ليلى اللي بتحبه جدا.